اہم ترین خبریںپاکستان

خلیفہ عمربن عبدالعزیزکی قبرکی توہین قابل مذمت ہے، اوآئی سی تحقیقات کرے،ترجمان علامہ ساجدنقوی

زاہد علی آخونزادہ نے او آئی سی سے خلیفہ عمر بن عبدالعزیز کے مزار کی بے حرمتی کے واقعے کی بھی غیر جانبدارانہ، شفاف اور قابل قبول تحقیقات کے ذریعے مجرموں کو بے نقاب کرکے قرار واقعی دینے کا مطالبہ کیا۔

شیعت نیوز: سربراہ شیعہ علماء کونسل پاکستان علامہ سید ساجد علی نقوی کے ترجمان زاہد علی آخونزادہ نے کہا ہے کہ خلیفہ عمر بن عبدالعزیز کے مقبرے کی بے حرمتی قابل مذمت ہے۔ اپنے ایک بیان میں انہوں کہا کہ مزارات عوام کی عقیدت و احترام کا مرکز ہوا کرتے ہیں اور انہدام جنت البقیع اور جنت المعلیٰ میں اہلبیت اطہار، امہات المومنین اور اصحاب کرام کے مقابر و مزارات کو گرانے سمیت مختلف مقدس مقامات کی بے حرمتی کے واقعات ہرگز قابل قبول نہیں۔

یہ بھی پڑھیں: جنت البقیع کو مسمار کرنےپر آل سعود امت مسلمہ سے معافی مانگے، پیر اعجاز ہاشمی

ایک بیان میں انہوں نے مزید کہا کہ ایسے واقعات کی علامہ سید ساجد علی نقوی پہلے بھی مذمت کرچکے ہیں اور مشترکات کے داعی ہونے کے ناطے انہوں نے ایسی انتہاء پسندانہ سوچ کو ہمیشہ دینی اور اخلاقی اقدار کی نفی سے تعبیر کرتے ہوئے مزارات کے احترام کو اہم قرار دیا ہے اور ہمیشہ ایسے گھناونے فعل کے مرتکب لوگوں کو بے نقاب کرکے قرار واقعی سزاء دینے کا مطالبہ بھی کیا ہے۔ زاہد علی آخونزادہ نے او آئی سی سے خلیفہ عمر بن عبدالعزیز کے مزار کی بے حرمتی کے واقعے کی بھی غیر جانبدارانہ، شفاف اور قابل قبول تحقیقات کے ذریعے مجرموں کو بے نقاب کرکے قرار واقعی دینے کا مطالبہ کیا۔

ٹیگز

متعلقہ مضامین

Back to top button
Close