پاکستان

کراچی : یوم علیؑ کی مناسبت سے سیکورٹی کا اعلیٰ سطحی اجلاس، پلان ترتیب دیدیا گیا

اجلاس کے دوران 21 رمضان المبارک یوم علیؑ کے حوالے سے سیکیورٹی پلان کا جائزہ لیا گیا، تاکہ کسی بھی ممکنہ دہشتگردی سے موثر انداز میں نمٹا جا سکے۔

شیعیت نیوز: ڈی جی رینجرز سندھ میجر جنرل عمر احمد بخاری کی زیر صدارت یوم علی کے حوالے سے اعلیٰ سطح کا سیکیورٹی اجلاس رینجرز ہیڈکوارٹر کراچی میں منعقد ہوا۔

اجلاس میں کمشنر کراچی، ایڈیشنل آئی جی کراچی، ایڈیشنل آئی جی پی سی ٹی ڈی / اسپیشل برانچ، جوائنٹ ڈی جی آئی بی، ڈی آئی جیز (ایسٹ، ساؤتھ، ویسٹ، سی ٹی ڈی، اسپیشل برانچ، سی آئی اے اور ٹریفک)، پولیس، رینجرز اور حساس اداروں کے اعلیٰ افسران نے شرکت کی۔

ترقیاتی کاموں کے سبب یوم علی کے مرکزی جلوس کا روٹ تبدیل

اجلاس کے دوران 21 رمضان المبارک یوم علیؑ کے حوالے سے سیکیورٹی پلان کا جائزہ لیا گیا، تاکہ کسی بھی ممکنہ دہشتگردی سے موثر انداز میں نمٹا جا سکے۔

اجلاس میں یہ فیصلہ کیا گیا کہ یوم علیؑ کے دوران منعقد کی جانے والی مجالس اور جلوسوں کے ساتھ ساتھ حساس تنصیبات کی سیکیورٹی کو بھی یقینی بنایا جائے گا۔

اجلاس میں اس بات پر زور دیا گیا کہ سندھ حکومت کی طرف سے دیئے گئے احکامات کی روشنی میں مروجہ قوانین اور ضابطہ اخلاق کی مکمل پاسداری کو ہر ممکن طور پر یقینی بنایا جائے گا۔

اس موقع پر قانون نافذ کرنے والے اداروں نے رمضان المبارک میں امن و امان کی صورتحال کو یقینی بنانے کیلئے مرتب کی گئی حکمت عملی کا بھی ازسرنوجائزہ لیا۔

ٹیگز
Show More

متعلقہ مضامین

Back to top button
Close