اہم ترین خبریںپاکستان

اسرائیل مخالف شامی وزیرخارجہ ولید المعلم کا انتقال، مجلس وحدت مسلمین کےوفدکی شامی سفیر سے ملاقات اور اظہار تعزیت

واضح رہے کہ شامی وزیر خارجہ عالمی استعمار اور اسرائیل کے خلاف ایک توانا آواز تھے

شیعیت نیوز: مجلس وحدت مسلمین پاکستان کے مرکزی وفد نے اسلام آباد میں قائم سیرین ایمبیسی میں تعینات قائم مقام سیرین ایمبیسیڈر جناب محترمہ مھا الاسود سے ملاقات کی اور شام کے اسرائیل مخالف وزیر خارجہ و ڈپٹی وزیر اعظم جناب ولید المعلم کی وفات پر تعزیت پیش کی۔

وفد نے سیرین ایمبیسی کے اعلیٰ سفارتی حکام تک ایم ڈبلیو ایم کے سربراہ جناب حجت الاسلام والمسلمین علامہ راجا ناصر عباس جعفری اور شعبہ امور خارجہ کے سربراہ حجت الاسلام والمسلمین ڈاکٹر سید شفقت حسین شیرازی کا تعزیتی پیغام پہنچایا۔

یہ بھی پڑھیں: اسرائیل کو تسلیم کرنے کیلئےہمیں امریکا کی جانب سے غیر معمولی دباؤ کا سامنا ہے،عمران خان

وفد میں شامل ایم ڈبلیو ایم کے مرکزی ڈپٹی سیکرٹری جنرل جناب سید ناصر عباس شیرازی نے تعزیتی بک میں تعزیتی نوٹ بھی تحریر کیا۔ وفد میں ان کےعلاوہ مرکزی سیکرٹری ایمپلائز ونگ جناب اقرار حسین ملک، مرکزی ڈپٹی سیکرٹری امور خارجہ جناب سید ابن حسن بخاری اور شعبہ امور خارجہ اسلام آباد ڈیسک کے مسئول جناب مولانا چوہدری ضیغم عباس شامل تھے۔

یہ بھی پڑھیں: جی بی الیکشن، ایم ڈبلیوایم سے اتحاد کی بدولت پی ٹی آئی کی سادہ اکثریت سے فتح ، حکومت سازی کیلئے سرگرم

واضح رہے کہ شامی وزیر خارجہ عالمی استعمار اور اسرائیل کے خلاف ایک توانا آواز تھے، انہوں نے ہمیشہ مظلوم فلسطینی عوام کے حقوق کا تحفظ کی کوشش کی ، ولید المعلم صدر بشار الاسد کے درست راست اور لبنانی عوام اور حزب اللہ کے بہترین ہمدرد اور دوست بھی تھے۔

ٹیگز

متعلقہ مضامین

Back to top button
Close