اہم ترین خبریںپاکستان

امریکہ مشرق وسطی سےفی الفور اپنی فوجیں واپس بلائے،شیعہ سنی علمائے کرام کا مشترکہ مطالبہ

امریکہ عالم اسلام کے لیے سب سے بڑا خطرہ ہے اور عالمی دہشت گرد کا کردار ادا کر رہا ہے

شیعت نیوز: عراق میں امریکی جارحیت کے خلاف شیعہ سنی علمائے کرام اور مشائخ عظام نے پریس کلب اسلام آباد میں مشترکہ پریس کانفرنس سے خطاب کرتے ہوئے کہا ہے کہ امریکہ عالم اسلام کے لیے سب سے بڑا خطرہ ہے اورعالمی دہشت گرد کا کردار ادا کر رہا ہے۔امریکہ نے مسلمانوں کو ہمیشہ نقصان پہنچایا ہے۔عراق میں برادر مسلم ملک کی اہم شخصیت کو نشانہ بنا کر امریکہ نے بربریت کا بدترین مظاہرہ کیا۔امریکہ مشرق وسطی سے فی الفور اپنی فوجیں واپس بلائے۔

یہ بھی پڑھیں: پاکستان میں اقلیتوں کے حقوق کی پامالی کا پروپیگنڈہ سراسر غلط ہے، علامہ عارف واحدی

علمائے کرام نے کہاکہ کسی خود مختار ریاست کی اجازت کے بغیر اس کی سرزمین پر اس طرح کا حملہ عالمی اصولوں کی کھلی خلاف ورزی ہے۔امریکہ مشرق وسطی سے فی الفور اپنی فوجیں واپس بلائے۔عراقی پارلیمنٹ کی طرف سے امریکی فوج کے انخلا کی منظوری کے بعد امریکہ کے پاس عراق میں مزید قیام کا کوئی جواز باقی نہیں بچا۔یہ بات امریکہ کے حق میں بھی بہترہے اسے جنگ اور کشیدہ صورتحال سے بچ نکلنے کا آسان راستہ دیا جا رہا ہے۔

انہوں نے کہا کہ قاسم سلیمانی نے خطے میں عالمی دہشت گرد تنظیم داعش کے مکروہ عزائم کو ناکام بنایا۔قاسم سلیمانی کی شہادت نے اس حقیقت کو واضح کر دیا ہے کہ وہ کون سی قوتیں ہیں جو داعش کو پس پردہ معاونت فراہم کر رہی ہیں۔عالم اسلام کے جرات مند سپاہی قاسم سلیمانی کو اس وقت نشانہ بنایا گیا جب وہ اسلامی ممالک کے مابین اتحاد کے لیے عراقی وزیر اعظم کو اہم پیغام پہچانے آئے تھے۔ ان کا قتل مسلمانوں کی تفریق میں ملوث امریکہ و اسرائیل کی سازشوں کا شناخسانہ ہے۔

یہ بھی پڑھیں: پاکستان کے دھشتگرد تکفیری اثاثے وزیر دفاع کی آغوش میں۔۔ کیا ایسے بنے گا محفوظ پاکستان ؟؟

انہوں نے کہا کہ تمام مسلم ممالک کے عوام ایک دوسرے کے ساتھ کھڑے ہیں۔قاسم سلیمانی کی شہادت پر پوری دنیا میں جو ردعمل دیکھا گیا وہ قاسم سلیمانی کے ساتھ مسلمانوں کے والہانہ لگاؤ کا عملی اظہار ہے۔آئندہ بھی قاسم سلیمانی کے لیے تعزیتی تقریبات کا انعقاد شیعہ سنی برادران مشترکہ طور پر کریں گے۔

انہوں نے کہا کہ خطے میں عدم استحکام پیدا کرنے کی امریکہ،اسرائیل اور بھارت کی کسی کوشش کو کامیاب نہیں ہونے دیا جائے گا۔ شیعہ سنی پاکستان کا مضبوط دفاع ہیں جس کسی نے ارض پاک کی طرف میلی آنکھ سے دیکھا اسے بھرپور طاقت سے جواب دیا جائے گا۔پاکستان ایک نظریاتی ملک ہے اور اسلام کے نام پر وجود میں آیا ہے۔جب بھی کسی مسلم ملک کو ضرورت پڑی پاکستان فطری طور پر امت مسلمہ کا اتحادی ہو گا۔انہوں نے کہا کہ عالمی ایشوز پر پاکستانی حکمرانوں کو بھی ایسا موقف اختیار کرنا چاہیے جو عوامی جذبات کی ترجمانی کرتا ہو۔

یہ بھی پڑھیں: القدس بریگیڈ کے سربراہ قاسم سلیمانی ہمارے قریبی اور ہمدرد دوست تھے،جنرل (ر) مرزا اسلم بیگ

شرکاء پریس کانفرنس میں علامہ اعجاز حسین بہشتی،علامہ محمد اقبال حسین بہشتی،صاحبزادہ سائیں محسن چشتی،محمد حبیب احمد نذیری،علامہ ڈاکٹر محمد یونس،قاری محمد ایاز سیالوی،مولانا سید یاسر نقوی،عزاز محمد،علامہ محمد اشتیاق صدیقی،مولانا سید رضوان علی گردیزی،مولانا شاکر رضا نقوی، علامہ مفتی ظہیر قادری،مفتی میر اشفاق احمد ایڈووکیٹ،علامہ محمود تبسم اور مولانا سجاد حسین نقوی سمیت دیگر شیعہ سنی علمائے کرام بھی شامل تھے۔

ٹیگز
Show More

متعلقہ مضامین

Back to top button
Close