اہم ترین خبریںمشرق وسطی

شامی فوج نے صوبہ الحسکہ میں امریکی فوج کی گشتی ٹیم کا راستہ روک لیا

شیعت نیوز:شامی فوج کے ایک کماندر کا کہنا ہے کہ شامی فوج نے صوبہ الحسکہ میں امریکی فوج کی گشتی ٹیم کا راستہ روک لیا اور ان کو پیچھے ہٹنے پر مجبور کر دیا۔

شامی فوج کے ایک کمانڈر نے اتوار کو بتایا کہ شامی فوج نے امریکی گشتی ٹیم کا راستہ روک لیا اور ان کو عقب نشینی نیز علاقے سے دور جانے پر مجبور کر دیا ۔

شامی فوج کے اس کمانڈر نے اسپوتنک نیوز ایجنسی سے گفتگو کرتے ہوئے کہا کہ مغربی الحسکہ کی شاہراہ پر واقع ایک چیک پوسٹ سے امریکی فوجیوں کو گزرنے سے روک دیا۔ امریکی فوجیوں نے اصرار کیا کہ اس چیک پوسٹ سے روسی پرچم کو ہٹا لیا جائے لیکن شامی فوج نے ان کی ایک نہ سنی۔

شامی فوج کے کمانڈر نے کہا کہ امریکی اور شامی فوجیوں کے درمیان ایک گھنٹے سے تکرار اور بحث چلتی رہی جس کے بعد امریکی فوجی عقب نشینی پر مجبور ہوگئے۔

شامی فوج کے اس کمانڈر کا کہنا تھا کہ روسی فوجی، دمشق حکومت کی اجازت سے دہشت گردی گے خلاف جنگ میں مصروف ہیں لیکن امریکی غاصب ہیں اور ان کو شام سے نکل جانا چاہئے۔

ان کا کہنا تھا کہ امریکا کی گشتی ٹیم اس بحث کے بعد اپنی چھاونیوں کی جانب سے پلٹ گئے۔

ٹیگز
Show More

متعلقہ مضامین

Back to top button
Close