اہم ترین خبریںایران

تمام عالم اسلام کو امام محمد باقر علیہ السلام کی ولادت باسعادت مبارک ہو

شیعت نیوز: مسلمانوں کے پانچویں امام فرزند رسول حضرت امام محمد باقر علیہ السلام پہلی رجب سن ستاون ہجری قمری میں مدینہ منورہ میں پیدا ہوئے اور سات ذی الحجہ مسلمانوں کے پانچویں امام فرزند رسول حضرت امام محمد باقرعلیہ السلام شہید ہوئے۔

رسول اسلام حضرت محمد مصطفیؐ نے آپ کی پیدائش سے قبل ہی اپنے ایک خاص صحابی جناب جابر ابن عبداللہ انصاری کو آپ کی ولادت باسعادت کی خبر دیتے ہوئے آپ کو باقر کا لقب دیا تھا ۔

یہ بھی پڑھیں : پارلیمانی انتخابات میں بھرپور شرکت پر رہبر انقلاب اسلامی کا ایرانی عوام کا تہہ دل سے شکریہ

حضرت امام محمد باقرعلیہ السلام نے اپنے والد بزرگوار حضرت امام علی ابن الحسین زین العابدین علیہ السلام کی شہادت کے بعد انیس سال دس مہینے تک مسلمانوں کی امامت و رہبری کا فریضہ انجام دیا ۔ آپ نے پوری عمر اسلام کی تبلیغ و ترویج میں گزاری اور عظیم شاگردوں کی تربیت کی ۔

فرزند رسول امام محمد باقر علیہ اسلام مسلمانوں کے وہ عظیم پیشواء و رہنما ہیں جنہوں نے تشنگانِ حق و معرفت کو ہمیشہ توحید و انسانیت کا درس دیا اور علم و دانش کے وہ سر چشمے جاری کئے کہ آپ کا لقب ہی باقر العلوم یعنی علم کا سینہ شگاف کرنے والا پڑ گیا۔

حضرت امام باقر علیہ السلام کے یوم ولادت باسعادت کی مناسبت سے مشہد مقدس، قم اور دارالحکومت تہران سمیت ایران کے مختلف شہروں اور دیہاتوں کی مسجدوں اور امامبارگاہوں میں محفل میلاد کا سلسلہ گذشتہ رات سے شروع ہوا ہے جو آج رات تک جاری رہے گا۔

ٹیگز
Show More

متعلقہ مضامین

Back to top button
Close